Caelum constellatio sublustris in caelo australi sita est.

Spectari potest sub Lepore atque in orientali parte Eridani. Quattuor stellae lineam camuram fingunt, cuius lucidissima, α Caeli, tantum magnitudinis 4,5m est.

Nominata est ab astronomo Francogallico Nicolao L. de Lacaille saeculo XVIII, qui nonnullas regiones caeli australis nominibus machinationum vel instrumentorum affecit. Eam constellationem primo Caelum sculptoris vocavit, quod instrumentum incisionis ad chalcographias vel chalybographias faciendas aptum est.