Hydra maxima constellatio in caelo nocturno sita est. Quam invenies sub zodiis Cancro, Leone Virgineque. Quamvis Hydra constellatio tam ampla sit, tamen non ita illustris est, cum pleraeque eius stellae non lucidiores sint. Sola Alphard 2,0m tertiam magnitudinem superat. Alphard e lingua Arabica derivata est; al farad Latine Solitarius significat. Nomen stellae etiam Calb el afarad est, scilicet cor solitarii significans. Inde etiam nomen Latinum Cor Hydrae exstat.