Vulpecula est constellatio haud lucida caeli septentrionalis, medio "Triangulo aestatis" sita. Iohannes Hevelius astronomus illam primus descripsit. Tunc etiam Anser sidus exstabat una cum Vulpecula fabulam illam praeclaram memorans; hodie autem Ansere constellatione non iam recognita, stella Lucida Anseris sola de ea ave monet.

Constellationi non insunt stellae, quae lucidiores 4m fulgent. Stella lucidissima Lucida Anseris (α Vul), stella gigantea rubra classis spectralis M0 III est, quae 297 spatia lucis annuae remota est.

Lucida Anseris est stella duplex, quae iam minimo telescopio in duas stellas dividi potest; spatium inter illas duas stellas est 413.7".

Anno 1967, prima stella pulsans (PSR 1919+21) hac in constellatione ab Antonio Hewisch et Iocelyno Bell Cantabrigiae inventa est, quae primo CP 19191 nominata erat.